Կալիֆոռնիայի նահանգապետ, դեմոկրատ Գևին Նյուսոմը ապօրինի է անվանել նախագահի՝ Լոս անջելեսում Ազգային գվարդիան կիրառելու հրամանը: Նա հայտարարել է, որ դիմել է Թրամփի վարչակազմին՝ հետ կանչելու Լոս Անջելեսի շրջանում տեղակայված 2,000 գվարդիականների հրամանը։
Նյուսոմը նաև հայտնել է, որ ծրագրում է դատի տալ վարչակազմին տեղակայումների կապակցությամբ՝ հավելելով, որ Թրամփը «ստեղծել է այս բողոքի շարժումների համար անհրաժեշտ պայմանները»։
«Սրանք ոչ թե նախագահին հարիր, այլ բռնապետի գործողություններ են», - գրել է նա X սոցիալական ցանցում։
Սպիտակ տունը, իր հերթին, հայտարարել է, որ բոլորի համար ակնհայտ էր, որ տեղում տիրում էին «քաոս, բռնությունը և անօրինականություն»։
ԱՄՆ նախագահը հունիսի 8-ին հրամայել է Ազգային գվարդիայի 2000 զինվոր տեղակայել Լոս Անջելեսում, որտեղ ապօրինի ներգաղթյալների նկատմամբ իրավապահների լայնածավալ ռեյդերից հետո բախումներ էին սկսվել քաղաքացիների և իրավապահների միջև։ Ավելի ուշ Դոնալդ Թրամփը սոցցանցում շնորհակալություն է հայտնել Ազգային գվարդիային՝ «կատարած լավ աշխատանքի» համար։
Նա կրկնել է նահանգի և քաղաքի դեմոկրատ առաջնորդների հասցեին քննադատությունը, նախքան ցուցարարներին թիրախավորելը։
Լոս Անջելեսի ոստիկանությունից հայտնել են, որ կիրակի առնվազն 10, իսկ նախորդ գիշեր 29 մարդ է ձերբակալվել այս բախումների ընթացքում, և ձերբակալությունները շարունակվում են։